I Simposio galego de Terminoloxía: Terminoloxía e planificación lingüística

Termigal e a Sección de Lingua do Consello da Cultura Galega promoven con este congreso, un foro de debate sobre o desenvolvemento terminolóxico galego. Ten como obxectivos non só reflexionar sobre cuestións técnicas concretas ou promover o intercambio de información entre profesionais e persoas interesadas na Terminoloxía, senón tamén crear unha rede que sirva para coordinar os esforzos e os recursos existentes e que contribúa ó desenvolvemento das industrias da lingua en Galicia.
O Simposio desenvolverase en sesións matinais, reservando as sesións de tarde para as IV Xornadas de Traballo da Asociación Española de Terminoloxía (AETER) organizadas por Termigal. As sesións terán lugar na sede de Termigal (6 de novembro) e na do Consello da Cultura Galega (7 e 8 de novembro).

Coordinación: Manuel González González
Henrique Monteagudo Romero

Coordinación técnica: Iolanda Galanes Santos

Secretaría: Rut Vázquez González

Obxectivos:

- Abordar de modo sistemático e multilateral cuestións técnicas na elaboración terminolóxica do galego.
- Inserir o galego no debate sobre a elaboración terminolóxica peninsular.
- Dar a coñecer a infraestructura e os criterios que subxacen na elaboración terminolóxica, ó persoal de servicios lingüísticos.
- Presentar nun foro especializado os últimos avances na producción de ferramentas e publicacións sobre terminoloxía en Galicia.
- Xerar unha dinámica de contacto periódico entre os elaboradores do corpus de especialidade galego e os consumidores máis habituais e, asemade, difusores desa elaboración.

Datas:

Días 6, 7 e 8 de novembro de 2003 en sesións alternas e á vez que as IV Xornadas de AETER.

Lugares:

Termigal (Centro de Investigacións en Humanidades Ramón Piñeiro. Estrada Santiago-Noia, km. 3. A Barcia. Santiago de Compostela).
Consello da Cultura Galega (Pazo de Raxoi, 2º andar - Praza do Obradoiro, Santiago de Compostela).

Destinatarios/as:
Persoas que realizan traballo terminolóxico de modo central ou transversal á súa actividade profesional: profesionais da traducción, da redacción, da supervisión lingüística, investigadores, especialistas das diferentes áreas de coñecemento e calquera persoa interesada na elaboración de léxicos, vocabularios, glosarios, etc.