[28 de setembro de 2006]

TERTULIA "O ESCRIBIR TEN CANCELAS: AS FRONTEIRAS DA NARRATIVA"

A Sección de Literatura e Industrias da Edición convoca a súa tertulia mensual este xoves, día 28, ás 17:00 horas, baixo o título "O escribir ten cancelas: as fronteiras da narrativa". Tres escritores de diferente traxectoria, Xosé Miranda, Diego Ameixeiras e Ramón Caride, analizarán a incidencia dos xéneros narrativos na creación de obras literarias.

Máis información no soportal Lg3

___________________________________

[6 de outubro de 2006]

PRESENTACIÓN DO COMITÉ INTERNACIONAL DE CIENCIAS HISTÓRICAS

O Comité Internacional de Ciencias Históricas será presentado no curso dun acto que se celebrará o día 6 de outubro ás 19´00 horas no salón de actos do Consello da Cultura Galega (CCG). Intervirán: Ramón Villares, catedrático de Historia Contemporánea da Universidade de Santiago e presidente do CCG, e José Luís Peset, presidente da Sección Española do Comité Internacional de Ciencias Históricas. O acto é aberto ao público.

_____________________________________

[26 e 27 de outubro de 2006]

X ENCONTROS PARA A NORMALIZACIÓN LINGÜÍSTICA

O Centro de Documentación Sociolingüística de Galicia do CCG celebrará os días 26 e 27 de outubro a décima edición dos Encontros para a Normalización Lingüística. Esta cita anual constitúe o punto de encontro, reflexión, análise e debate dos especialistas en planificación lingüística e das persoas que desenvolven o seu labor profesional nos diferentes servizos lingüísticos das administracións galegas e en entidades privadas.

Máis información, programa e inscrición