XORNADAS
"A ARQUITECTURA DESDE ANDALUCÍA"

A Sección de Arquitectura do Consello da Cultura Galega (CCG) está analizando pormenorizadamente a arquitectura de distintos focos de especial significanción nos nosos días. Con este obxectivo, celebrou diferentes xornadas sobre a situación actual e a historia da arquitectura en Lisboa, Cataluña, País Vasco, Navarra e Madrid. Proseguindo neste proceso, o CCG organiza agora as xornadas "A Arquitectura desde Andalucía", coas que pretenden ofrecer por vez primeira en Galicia unha visión ampla e pluriperspectiva da arquitectura nesa Comunidade. Destacados arquitectos, críticos e investigadores compartirán tres días de debate e reflexión sobre as súas traxectorias e obras, sobre os seus coñecementos e opinións sobre a arquitectura andaluza.

As Xornadas afondarán na definición do carácter de área cultural do sur peninsular, na súa personalidade heteroxénea e diversa froito das diferentes tendencias e escolas que existen nas provincias desta Comunidade. Unha sorte de espazo complexo, sempre nun constante proceso de evolución cultural que a Sección de Arquitectura do CCG non podía deixar de subliñar.

O encontro contará coa participación de prestixiosos profesionais de diversas zonas e xeracións co obxectivo de ofrecer unha visión tanto histórica como actual da arquitectura andaluza. Juan Domingo Santos, Ramón de Torres López, Ramón Pico Valimaña, o equipo Cruz & Ortiz, Guillermo Vázquez Consuegra ou José Morales Sánchez, entre outros, aportarán pautas para coñecer e analizar o pasado, presente e futuro desta paisaxe, cultural, arquitectónica e contemporánea, de Andalucía.

- Coordinadores:
Víctor Pérez Escolano e Iago Seara Morales

- Organización:
Sección de Arquitectura
Consello da Cultura Galega

- Lugar:
Salón de actos do Consello da Cultura Galega
Pazo de Raxoi, 2º Andar
15705 Santiago de Compostela
Tfno: 981 957202
Fax: 981 957205

- Máis información:

correo@consellodacultura.org