| |
Exposición
“O sorriso de Daniel”
Esta mostra pretende ofrecer fóra de Galicia unha presentación
xeral da Comunidade desde múltiples perspectivas, desde
a xeografía e a economía até a historia
e a sociedade, mais sobre todo da cultura galega. Trala súa
participación dentro do circuíto de actividades
do Fórum de Barcelona 2004 está previsto que
continúe a súa andaina por outras cidades peninsulares.
|
Museo
da Emigración Galega
A Sección de Cultura Galega no Exterior está a elaborar
un estudo sobre a viabilidade da creación dun Museo da Emigración
Galega, informe que posteriormente será elevado á
Xunta de Galicia para o seu estudo.
Colaboración
coa Asociación Internacional de Estudos Galegos
Esta Sección continúa colaborando coa Asociación
Internacional de Estudos Galegos - AIEG, colaboración que
se materializará co traslado dos seus fondos ás instalacións
do Arquivo da Emigración Galega e a súa secretaría
será levada por un documentalista do Arquivo. A súa
páxina web integrarase na do Consello da Cultura Galega.
Asemesmo está previsto realizar unha convocatoria para o
ano 2004 dun premio de tradución.
Informe
“Acción cultural de Galicia no Exterior”
A Sección de Cultura Galega no Exterior continúa traballando
na elaboración deste documento.
Elaboración
dun "Mapa de actores da cultura galega no exterior"
En relación co anterior informe, esta iniciativa pretende
identificar institucións e persoas relevantes para a difusión
da cultura galega fóra da Comunidade, como profesores, intelectuais,
científicos, etc...
Conferencias
Cultura Galega no Exterior traballa na realización dun ciclo
de conferencias impartidas por persoeiros de orixe galega cunha
traxectoria profesional ou persoal destacada, desenvolvida alén
de Galicia.
|
