Proposta de modificación da Lei galega 13/1989, do 10 de outubro, sobre os montes veciñais comunais

Trátase dun traballo no que se propón engadir unha disposición adicional na que se fixe a posibilidade de establecer un prazo de 2 anos para a inscrición dos montes veciñais comunais, fixando a súa superficie e lindeiros, co obxectivo final de que os montes queden identificados.

A inscrición no Rexistro da Propiedade ten como finalidade evitar que este tipo de propiedades sexan obxecto de expropiacións que non teñan en conta ós verdadeiros donos, algo que adoita acontecer nestes momentos porque estes montes non están inscritos e son os concellos os que se benefician das indemnizacións por expropiación.