| |
Coordinación
de competencias para a protección e promoción
do patrimonio histórico-artístico
A Comisión Técnica de Dereito Galego levou adiante, a través
do profesor Pérez Mazaira, un informe sobre a confluencia
de competencias entre as distintas Administracións (estatal,
autonómica e local) no que respecta ao patrimonio cultural
e histórico de Galicia.
|
Informe Anteproxecto
de Lei de intervencións artísticas nas obras públicas
A Sección de Dereito defende neste documento que o 1% de
todos os gastos da Comunidade Autónoma de Galicia deben dedicarse
ás intervencións artísticas.
Informe para
a creación do Fondo Cultural Galego
A Sección de Dereito está reconfigurando o informe
que elaborou en 2000 para a creación do Fondo Cultural Galego,
institución contemplada no Estatuto da Autonomía de
Galicia.
Urbanismo
e Administración local
A Comisión Técnica de Dereito propuxo o desenvolvemento regulamentario
das Leis 1/1997, do 24 de marzo, sobre o Solo de Galicia, e a Lei
5/1997, do 28 de xullo, sobre a Administración Local de Galicia.
A comarca,
núcleo de desenvolvemento local
Desde a Comisión Técnica propúxose unha serie
de informes sobre o desenvolvemento local tomando como punto de
partida o ámbito comarcal. Así, preténdese impulsar
o estudo sobre a idoneidade da comarca como espazo de ordenación
territorial e planificación económica, ademais de estabelecer a
necesidade de articulación dos Plans de Desenvolvemento Comarcal
cos Plans e Programas de Ordenamento do Territorio. A Comisión
quere ademais avaliar a posíbel influencia da comarca e da
parroquia no incremento da participación na vida local.
Modificación
da lexislación dos montes veciñais e comunais
A Sección de Dereito traballa neste proxecto de estudo, ampliación
e modificación da normativa que afecta aos montes veciñais
e comunais.
A serventía
de paso na Lei de dereito civil de Galicia
A Comisión Técnica de Dereito Galego estuda a normativa que
rexe para as serventías de paso no Dereito Civil de Galicia.
Proposta de modificación da lexislación que se refire á sucesión
ab intestato dos bens do tutelado
Seguindo o prantexamento da Fundación Sálvora, esta proposta
de modificación refírese ao feito de que moitos parentes
de persoas con discapacidades psiquicamente herdan os bens dos incapacitados
a pesar de non seren os seus titores. Para solucionar as
consecuencias negativas desta normativa, proponse que sexan as persoas
físicas ou xurídicas que se fan cargo dos diminuídos psíquicos os
que herden os seus bens.
|
