|
| |
Informe sobre "A presenza da ciencia e a técnica
na prensa diaria"
Esta investigación, realizada en colaboración
coa Sección de Comunicación, pretende analizar
a visión que os medios de comunicación ofrecen da ciencia.
O estudo quere estabelecer cales son as características
que adquire a divulgación científica na prensa
e publicacións periódicas en Galicia.
|
Colección
"Ciencia para todos"
A Sección de Ciencia, Técnica e Sociedade traballa
na edición do cuarto volume da colección de banda
deseñada para público infantil "Ciencia para
todos", nesta ocasión adicado á alimentación.
Actas do
Congreso sobre "Xenética e Historia no Noroeste Peninsular"
A Sección de Ciencia, Técnica e Sociedade editará
as actas deste encontro, organizado en abril de 2002 polo Consello
da Cultura Galega e no que se pretendeu estabelecer un diálogo
entre a xenética, as ciencias históricas e a lingüística,
entre outras disciplinas.
Publicación
da obra "Instrucción sucinta provisional, que deberán
observar las embarcaciones"
O obxectivo desta publicación é recuperar un documento
que se redactou en 1788 para o goberno dos barcos Descubridor e
Explorador, armados pola Real Compañía Marítima
para a investigación de novos caladeiros e a experimentación
de artes de captura.
Reedición
da obra "As augas de Galicia"
O Consello da Cultura Galega ten previsto reeditar esta obra, que
aborda unha ampla reflexión e análise sobre a auga
desde múltiples perspectivas, desde os aspectos mitolóxicos
até os usos que se fan dela.
Congreso
"O valor cultural da biodiversidade"
Esta Sección está a organizar un congreso sobre diversidade
e cultura.
Xornada sobre
"Medios de comunicación e telecomunicacións"
Continuando coa preocupación polos xeitos de facer chegar
os coñecementos científicos aos cidadáns, esta
área está preparando unha xornada sobre medios de
comunicación e telecomunicacións.
Debate sobre
"Ciencias e letras no bacharelato"
|
