Proxecto
Trinta anos de Televisión en Galicia
Con este proxecto
preténdese facer unha análise histórica dos
trinta anos de emisión nun soporte tan influínte
como é a televisión, dende que o 25 de xullo de
1971 comezaba a emitir o Centro Territorial de Televisión
Española en Galicia. A partir deste estudio quérese
ver como se reflectiron na televisión os transcendentais
cambios polos que pasou Galicia ó longo destes anos.
- Proxecto
Este estudio xurde da convicción por parte da Sección
de Comunicación de que a análise destes 30 anos
de emisión aportará numerosas claves que permitan
comprender a evolución do audiovisual galego. O estudio
abordarase desde diferentes puntos de vista:
1. Programación
2. Lingua
3. Aspectos
económicos e legais
4. Creación
e determinación do sector
5. Información
dos profesionais
6. Documentación
e formatos xornalísticos
7. Recepción
- Metodoloxía
Aplicarase o modelo Delphi, consistente en enviar un cuestionario
a un grupo de expertos sobre a materia. Devoltos os cuestionarios,
analizaranse os datos e se interpretan para elaborar un segundo
cuestionario que se lles volve enviar e no que se lles dan pistas
para que poidan coñecer as respostas do resto dos expertos.
A partir de aí o experto pode manter ou non a súa
postura pero apoiándoa en argumentos. O obxectivo é
poder contar cos puntos de vista dos protagonistas e observadores
deste proceso histórico que dura xa 30 anos.
- Pasos
a seguir
1. Elaboración
dun documento marco sobre o proceso histórico da creación
do centro de producción de TVE- Galicia. Establecemento
das fontes vivas e bibliográficas que se poidan consultar.
2. Contrastar
este primeiro informe cun grupo de expertos implicados directamente
no proceso histórico.
3. Analizar
as respostas dos expertos e, se fora preciso, revisar o documento
marco.
4. Organizar
un ou varios grupos de discusión para confrontar as posturas
diverxentes.
5. Análise
dos datos
|
