| |
A
paisaxe contemporánea
Esta publicación pretende, dun xeito periódico, analizar unha
temática da cultura galega, sendo a súa primeira reflexión
a paisaxe contemporánea. Neste primeiro libro ofrecerase unha
interpretación desde a actualidade dos valores espirituais
e culturais da nosa paisaxe, elaborando un estudo das interaccións
coas sensibilidades individuais e colectivas.
|
Libro Branco
das Artes Plásticas en Galicia
Este ambicioso proxecto pretende realizar unha exhaustiva análise
do estado da cuestión desta disciplina en Galicia, achegándose ás
infraestructuras, protagonistas e medios culturais cunha orientación
de marcado carácter documental, ó tempo que reflexivo.
Actas das Xornadas "10 anos de centros de Arte Contemporánea"
Trala realización das Xornadas "10 Anos de Centros de Arte
Contemporánea" está prevista a transcrición e publicación das
súas actas.
Informe "Espazos para a creación contemporánea"
Esta iniciativa proponse estudar e promover, continuando a liña
aberta coas xornadas "10 anos de centros de Arte Contemporánea",
a creación de novos espazos que promulguen unha folosofía
de carácter temporal, práctico e inmediato. Estos
espazos acollen e ilustran unha nova realidade no desenvolvemento
da creación artística desde diferentes ópticas
complementarias.
Libro Branco
da Cinematografía e Artes Visuais
Este libro, que complementa ó de Artes Plásticas, ten como obxectivo
establecer un estado da cuestión no que atinxe ás diferentes disciplinas
audiovisuais.
Libro Branco do Deseño en Galicia
Complementario dos de Artes Plásticas e Cinematografía, este documento
establecerá o estado da cuestión das diferentes disciplinas
do deseño en Galicia.
Informe Lei
1%
Este documento quere reactivar este texto tan necesario para a dinamización
da creación contemporánea en Galicia. Con este obxectivo,
pretendeuse facer unha actualización dos seus contidos así
como presentar unha introducción onde se explique a importancia
deste documento e o grao de compromiso do Consello da Cultura Galega
con incentivalo.
Xornadas
"A Arte nos espazos públicos"
Estas xornadas están prantexadas en continuidade do informe
"A Arte nos espazos públicos". Así, pretenden
analizar as transformacións, ubicacións e recepción
social das propostas plásticas e analizar a realidade da
creación na trama urbana, o valor da arquitectura e o urbanismo,
as novas propostas de parques escultóricos mediante a participación
de investigadores, historiadores, arquitectos e artistas cunha íntima
vinculación co territorio.
Encontro
"Os arquivos audiovisuais como fonte histórica"
Este encontro nace do traballo de baleirado documental do proxecto
de catalogación do Arquivo Audiovisual de TVE en Galicia,
en colaboración coa Sección de Comunicación.
O obxectivo é reflexionar sobre o coñecemento que
o material documental gardado nos arquivos fílmicos e audiovisuais
de filmotecas, televisión ou coleccións videográficas
gardadas en organismos culturais, institucións ou fundacións
aporta para unha mellor comprensión e análise dos
feitos históricos.
Catálogo
do Arquivo Audiovisual da TVE-Galicia
Catalogación dos documentos audiovisuais do Centro Territorial
de Televisión Española en Galicia. Este proxecto realízase
en colaboración coa Sección de Comunicación.
|
