|
SECCIÓN
DE
LITERATURA E INDUSTRIAS DA EDICIÓN |
A Sección de Literatura e Industrias da Edición
é unhas das áreas de traballo de máis recente
creación no Consello da Cultura Galega, xa que foi aprobada
o 11 de xullo de 2003. Foi un empeño persoal do anterior
presidente da institución, Carlos Casares, sacar adiante
esta sección ante a conciencia dos desafíos que
debía afrontar a literatura cos novos soportes e a crecente
importancia dos procesos de reprodución e distribución
no mundo literario. Un novo contexto que o libro galego debe aproveitar
para afianzar a súa presenza e ir avanzando no obxectivo
último de alcanzar unha sociedade máis culta e consciente
de si mesma.
|
| PROXECTOS
EN MARCHA |
Encontros
en Compostela
A
Sección de Literatura e Industrias da Edición quere
artellar unha colaboración constante coa cultura portuguesa
dun xeito transversal, tanto no ámbito institucional como
cidadán. Así, un dos seus primeiros proxectos é
a organización, coa agregaduría cultural da Embaixada
portuguesa, de encontros trimestrais no CCG con escritores portugueses
de renome. A finalidade é que esta institucións se
converta en punto de encontro entre ambas culturas.
Número
extraordinario de "Jornal das Letras, Artes e Ideas"
A Sección está a planificar un número especial
adicado á cultura galega no importante semanario cultural
lisboeta "Jornal das Letras, Artes e Ideas". Pretende
ser unha mostra da situación das Letras e a Creación
Cultural na Galicia de hoxe.
|
|
| Consultas |
-Podes
realizar consultas directas sobre literatura aos membros.
-Podes recibir noticias sobre as actividades da Sección no
teu correo electrónico.
literatura@consellodacultura.org |
|
|
|
