PRESENTADO
O INFORME DE POLÍTICA LINGÜÍSTICA E NORMALIZACIÓN
NUN FORO EUROPEO DE LINGUAS
No marco do Ano Europeo das Linguas, Andorra acolleu o 2º
Congreso Europeo sobre Planificación Lingüística,
unhas xornadas que se viñeron desenvolvendo durante os
días 14, 15 e ata a xornada do 16, xornada que se pechou
coa participación dos coordinadores do Informe de Política
Lingüística e Normalización (IPLN) en Galicia,
Henrique Monteagudo e Xan Bouzada, e da coordinadora do Arquivo
de Planificación e Normalización Lingüística,
Susana Mayo, entre outros asistentes.
O Goberno
de Andorra, a Generalitat de Catalunya e o Goberno das Illas Baleares
foron os encargados de organizar este Congreso no que, ó
longo de tres días e de 6 ponencias, 39 comunicacións,
16 paneis e dúas mesas redondas, tentouse fomentar a reflexión
e o debate en torno á situación na que se atopan
as políticas lingüísticas de linguas que polas
súas características demográficas, sociais
ou xurídicas requiran unha atención especial.
Do mesmo xeito,
os organizadores deste congreso pretenden facilitar o intercambio
de información e apuntar novas liñas de actuación
en torno ós modelos teóricos e os instrumentos de
planificación lingüística, analizando as experiencias
prácticas máis interesantes para os especialistas
que participan nestes encontros, procedentes do País Basco,
Alemaña, Bélxica, Canadá, Gales, ademais
de Galicia.
Situación
actual do galego
A comunicación
de Henrique Monteagudo e Xan Bouzada centrouse na presentación
da metodoloxía, obxectivos e problemas cos que se tivo
que enfrontar na elaboración do IPLN, que o Consello viña
desenvolvendo desde 1998 en colaboración coa Unión
Europea. Segundo os relatores o informe, que xa fora presentado
en Galicia durante os V Encontros para a Normalización
Lingüística, supón un instrumento de información,
avaliación e reflexión sobre a situación
social do galego nos últimos anos, traballo que fixo necesario
solventar numerosas dificultades, “se queríamos facer
algo máis alá da simple descrición de usos
e coñecementos da lingualingüísticas, ofrecendo
liñas de actuación”, asegurou o director do
APNL, Henrique Monteagudo. Segundo Monteagudo, coa participación
neste congeso, preténdese establecer intercambios e fomentar
a cooperación entre organismos de investigación
lingüística de Catalunya, Valencia ou Alemaña,
co obxectivo de examinar os seus respectivos métodos de
análise.
Pola súa
parte, Susana Mayo interveu durante o Congreso para tentar achegar
o traballo que o Arquivo de Planificación Lingüística
(APNL) leva adiante en Galicia, facendo público os obxectivos
desta entidade, os servicios e recursos que ofrece, así
como o nivel de actividades que soporta, dentro do marco de defensa
e promoción do galego que mantén o Consello da Cultura
Galega.
Máis
información do evento:
Nesta dirección
pódese atopar información sobre o 2n Congrés
Europeu sobre Planificació Lingüística (en
catalán):
http://cultura.gencat.es/llengcat/noves/
