A EXPOSICIÓN
"A NOITE ESTÁ VARRIDA DA TERRA", PREMIADA POLA
REAL SOCIEDADE ESPAÑOLA DE FÍSICA
O Consello da Cultura Galega recibiu o premio ó mellor
traballo de divulgación científica da Real Sociedad
Española de Física pola mostra "A noite está
varrida da terra". Esta mostra foi realizada pola Sección
de Ciencia, Tecnoloxía e Sociedade, que coordina Francisco
Díaz-Fierros e estivo exposta na Igrexa da Universidade
de Santiago ata o 30 de xuño do 2000.
O premio enmárcase
dentro do programa "Física en Acción"
e foi promovido pola Real Sociedade Española de Física
en colaboración co Laboratorio Europeo de Partículas
(CERN), A Axencia Espacial Europea (ESA) e o Observatorio Europeo
Austral (ESO) e foi fallado na Cidade das Artes e das Ciencias
de Valencia. Esta é a súa segunda convocatoria.
O obxectivo
da convocatoria é, segundo os organizadores, "facer
fincapé nun problema moi estendido como é a perda
da cultura científica. Por iso, preténdese buscar
solucións innovadoras que fagan a ciencia atractiva e educativa".
O Consello
da Cultura Galega gañou na modalidade de "traballo
divulgativo". Na fase final competiron institucións
coma o Ministerio de Cultura ou a Universidade de Jaén.
É de subliñar que o espacio adicado á física
nas Tardes da Radio Galega tamén tivo unha mención
de honra nesta convocatoria.
150 anos
da luz en Galicia
A exposición
A noite está varrida da terra recrea os primeiros pasos
da luz eléctrica no noso país. De como esta saíu
dos laboratorios da Universidade de Santiago -onde por primeira
vez fora xenerada en Galicia polo doutor Casares- e se estendeu
a tódalas esferas de vida cotiá. Pensada para un
público novo e escolar, a mostra ofrecía numeroso
material didáctico e permitía que os rapaces experimentaran
de primeira man cos primeiros aparellos eléctricos que
chegaron a Galicia.
Enlaces relacionados:
Especial sobre a exposición en culturagalega.org:
http://www.culturagalega.org/especiais/electricidade
Sobre a Sección
de Ciencia, Tecnoloxía e Sociedade:
http://www.consellodacultura.org/seccions/cts/index.htm
