Concretamente, o encontro contará coa participación de Moisés Barcia, tradutor e crítico literario que coordina o Cartafol de Libros de Vieiros e colaborador da Guía dos Libros Novos; Xosé Ramón Pena, escritor e crítico, coordinador do suplemento Faro das Culturas, do Faro de Vigo, e Rodri García, xornalista de La Voz de Galicia e Radiovoz. Como en anteriores ocasións, a tertulia estará aberta ás achegas dos interesados en participar nela e será gravada para posteriormente pór a disposición dos usuarios en Lg3, o soportal de literatura de culturagalega.org.
Este encontro continúa o ciclo iniciado o ano pasado polo CCG e no que ata o momento participaron escritores como Xesús Alonso Montero, Urbano Tavares e Anxos Sumai e no que se abordaron temas como as novas narradoras, o libro galego, a tradución, a creación na Rede, o exilio e o significado do Día das Letras Galegas.
- Lugar: biblioteca do CCG. Pazo de Raxoi, 2º Andar
- Hora: 17:00
Máis información sobre as tertulias en Lg3:http://www.culturagalega.org/lg3/lg3_tertulia.php