Idiomas: Español / English
Pazo de Raxoi, 2º andar
15705 Santiago - A Coruña
Tel.: +34 981957202
Directorio de contactos
As Pontes acolle ata o 23 de xullo a exposición OS ADEUSES, 73 fotografías da epopea migratoria galega
13/07/2012

O Consello da Cultura Galega (CCG) e o Centro Galego de Artes da Imaxe (CGAI) inauguraron o pasado 11 de xullo no Mercado Vello de As Pontes (Avenida de Ferrol s/n) a exposición itinerante “OS ADEUSES, 73 imaxes da emigración galega (1957-1963)” captadas polo fotoxornalista Alberto Martí. A exposición poderá verse ata o próximo 23 de xullo. Con anterioridade percorreu A Coruña, Vigo, Santiago de Compostela, A Pobra do Caramiñal, Ferrol, Ourense e Fene.

O que podemos ver na mostra “OS ADEUSES. FOTOGRAFÍAS DE ALBERTO MARTÍ “é indicativo da grande epopea da emigración galega que cubre case dous séculos da nosa historia máis recente, neste caso unha etapa ben concreta da emigración americana, aquela que na década dos cincuenta estaba xa dando os últimos folgos”, en palabras de Ramón Villares, estudioso do fenómeno na súa condición de catedrático de Historia contemporánea da Universidade de Santiago de Compostela. O Presidente do CCG subliña a importancia da relación entre emigración e fotografía, “un valioso acervo documental que merece ser recuperado e no que xa deu e seguirá dando pasos o noso Arquivo da Emigración Galega”.

“Os adeuses”, comisariada por José Caruncho, estrutúrase en tres áreas: A Ida, A volta e O Buque Santa María e ofrece instantáneas da partida de centos de emigrantes galegos desde os portos de Vigo e A Coruña entre 1957 e 1963. Complétase cunha reportaxe sobre a peripecia do buque “Santa María”, que cubría a ruta Caracas-Lisboa-Vigo, secuestrado polo Directorio Ibérico de Liberación (DRIL) en xaneiro de 1961 e que puido regresar ao porto de Vigo en febreiro dese mesmo ano.

Pilar Cagiao Vila, do Arquivo da Emigración Galega, do CCG, salienta no catálogo o reflexo, nas fotografías de Alberto Martí, de todas as circunstancias que rodearon a partida dos emigrantes: “desde a chegada ao porto, a terminal de pasaxeiros atestada, ata a espera da partida e a acomodación a bordo, pasando polo mundo dos trámites, os papeis e os funcionarios”.

O comisario da Mostra, José Carcuncho, propúxose “contar unha historia do que significou a emigración para miles de galegos, desde a ida ata, en moitos casos, o retorno á casa”. Alberto Martí Villardefrancos (A Coruña, 1922) agradece o traballo de José Caruncho e o activo compromiso do CCG e do CGAI e destaca o interese xornalístico das imaxes. “Non pensei que foran formar parte dunha exposición”, afirma, logo de lembrar que no seu arquivo conta con millóns de negativos.

As 73 fotografías están recollidas nun catálogo de 150 páxinas editado polo CCG con textos, en galego, castelán e inglés, de Ramón Villares, Alfonso Cabaleiro, Pilar Cagiao, María Teresa García Domínguez e José Caruncho.

imprimir enviar por correo electrÓnico
COMPARTIR
ÚLTIMAS NOTICIAS

En directo: ARTE + PINTURA
Santiago de Compostela, 2014-04-24

As xornadas Arte+Pintura rematan ofrecendo unha radiografía da diversidade pictórica
Santiago de Compostela, 2014-04-24

Continúan no Consello da Cultura as xornadas que buscan trazar un mapa actual da pintura
Santiago de Compostela, 2014-04-23

Comezan as xornadas Arte+Pintura que ofrecerán un mapa da situación pictórica
Santiago de Compostela, 2014-04-22

O presidente do Consello da Cultura avalía en Alemaña a influencia da República de Weimar na Xeración Nós
Santiago de Compostela, 2014-04-21

O Consello da Cultura actualiza o debate sobre a pintura nunhas xornadas
Santiago de Compostela, 2014-04-15

O Consello da Cultura Galega colabora na doazón do legado de Pérez Prado
Santiago de Compostela, 2014-04-08

Divulgación »

OBSERVATORIO DA CULTURA GALEGA
As bibliotecas galegas

Podes consultar e descargar o informe

Información ampliada en culturagalega.org » Os visitantes estranxeiros salvan o turismo cultural galego
Divulgación »

As webseries van de festa

Comeza o Carballo Interplay, o primeiro festival do Estado dedicado ás series por Internet
Documentación »

ARQUIVO DA EMIGRACIÓN GALEGA
Proxecto de recuperación documental e fotográfica da emigración galega.

Campaña de recollida das coleccións particulares dos nosos emigrantes
Divulgación »

Ángeles Alvariño González

1916 - 2005. Experta internacional no estudo do zooplancto mariño

MAPA INTERACTIVO

MAPA INTERACTIVO »
Equipamentos culturais
MAPA INTERACTIVO »

MAPA INTERACTIVO

As escolas da Emigración
Recuperación do legado educativo da emigración

ROTEIROS

ROTEIROS »
Roteiros da Cultura
Viaxes temáticas a redor do noso territorio
  • O Mapa Cultura Galego é un amplo directorio de equipamentos e infraestruturas culturais en toda Galicia, xeolocalizadas

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205

    Acción exterior do Consello da Cultura Galega

  • Convenios e colaboracións
  • Exposicións
  • Recuperación documental
  • Centros de estudos galegos
  • Congresos da AIEG