Idiomas: Español / English
Pazo de Raxoi, 2º andar
15705 Santiago - A Coruña
Tel.: +34 981957202
Directorio de contactos
Ramón Villares: "Valentín Paz Andrade foi exemplo de intelectual moderno e coherente visión de futuro e contribuiu a situar o feito diferencial galego na axenda politica da transición”
17/05/2012

Ramón Villares, académico e presidente do Consello da Cultura Galega, definiu a Valentín Paz Andrade, xornalista, avogado, ensaísta, economista e poeta, como “persoa de reflexión pero tamén de acción, unha figura singular no panorama da cultura e da política galegas do século XX, autor dunha inxente e innovadora obra”. En definitiva, “un exemplo de intelectual moderno e coherente que sempre apostou por colocar Galicia no mundo, no sentido de ser galego alí onde se atopase e actuase”. Audaz mesmo na súa defensa da lingua galega como “idioma transcontinental”.

Recordou Villares, un dos cinco oradores na sesión extraordinaria e pública celebrada pola Real Academia Galega na sede da Fundación Barrié en Vigo, salientou que o autor de Galicia como tarea “nunca deixou de pensar e de elaborar propostas a favor dunha concepción da política que tivese por norte a sociedade galega e o seu benestar e que se rexese por principios como a democracia, o autonomismo e as virtudes cívicas do republicanismo”. Principios que defendeu en Vigo no mitin do Día de Galicia de 1930 xunto a Otero Pedrayo e Castelao. Principios que lembraría na súa intervención, tamén en Vigo, ao remate da gran manifestación, “unha nova alborada cívica”, do 4 de nadal de 1977 en defensa da autonomía.

Uns anos antes, o intelectual e home de acción, “un dos que mellor entendeu e conectou co exilio”, tivera unha persoal e importante participación na Junta Democrática, fundada en París en 1974, e como membro da chamada “Comisión dos Dez”, “o que lle permitiu desenvolver un papel esencial nas negociacións politicas que o goberno de Adolfo Suárez abriu con representantes da oposición.

Alí, en palabras de Jordi Pujol, “ocupou a cadeira de Galicia e cubriu o vacío coa súa categoría persoal e a súa autoridade moral”. Desde esa “autoridade” e actuando a título persoal, subliñou Ramón Villares, “non por iso foi menos decisiva a súa achega para a conquista da democracia e, nomeadamente, para a colocación do feito diferencial galego na axenda política da transición”.

O historiador evocou a Valentín Paz Andrade como “un home culto e pragmático, comprometido coa súa Terra, positivo e nada pasadista. Un home en combate permanente contra as interpretacións caducas de Galicia, contra o pesimismo e contra o atraso”. “A súa aposta era a favor dunha Galicia que debía aproveitar mellor os seus recursos naturais, que debía industrializarse e que, como proxecto colectivo, debía ser construída día a día”. Velaí a tarea.

“Fronte ao pasado como argumento para o porvir, a posición de Valentín Paz Andrade, ao longo da súa fecunda e intensa biografía, foi construir un futuro con pasado”, concluiu Ramón Villares.

A sesión celebrada en Vigo ás 12 horas do 17 de maio contou coa presentza do presidente da Xunta de Galicia, Alberto Núñez Feijóo; a presidenta do Parlamento, Pilar Rojo; o alcalde de Vigo, Abel Caballero, e a familia Paz Andrade encabezada por Pilar Rodríguez Prada, viúva de Valentín Paz Andrade, e o seu fillo Alfonso Paz Andrade.

imprimir enviar por correo electrÓnico
COMPARTIR
ÚLTIMAS NOTICIAS

O Consello da Cultura actualiza o debate sobre a pintura nunhas xornadas
Santiago de Compostela, 2014-04-15

O Consello da Cultura Galega colabora na doazón do legado de Pérez Prado
Santiago de Compostela, 2014-04-08

O Simposio “Rosendo Salvado e o mundo aborixe” revelou a visión tolerante e integradora do tudense
Santiago de Compostela, 2014-04-04

O CCG acolle dous concertos baseados nas obras de Rosendo Salvado
Santiago de Compostela, 2014-04-02

O CCG e a Consellería de Cultura organizarán un gran encontro internacional sobre a lingua galega en setembro
Santiago de Compostela, 2014-03-25

O CCG reinvindica ao Díaz Castro tradutor
Santiago de Compostela, 2014-03-21

As bibliotecas galegas sufren unha gran caída de investimento malia a maior demanda social
Santiago de Compostela, 2014-03-19

Divulgación »

OBSERVATORIO DA CULTURA GALEGA
As bibliotecas galegas

Podes consultar e descargar o informe

Información ampliada en culturagalega.org » Os visitantes estranxeiros salvan o turismo cultural galego
Divulgación »

As cámaras apuntan a Díaz Castro (I)

Diferentes producións audiovisuais poñen o foco na vida e na obra do homenaxeado no Día das Letras
Documentación »

ARQUIVO DA EMIGRACIÓN GALEGA
Proxecto de recuperación documental e fotográfica da emigración galega.

Campaña de recollida das coleccións particulares dos nosos emigrantes
Divulgación »

M.ª Dolores del Río

Escritora, mestra e defensora dos dereitos das mulleres desde os postulados da acción social católica feminina do primeiro terzo do s. XX.

MAPA INTERACTIVO

MAPA INTERACTIVO »
Equipamentos culturais
MAPA INTERACTIVO »

MAPA INTERACTIVO

As escolas da Emigración
Recuperación do legado educativo da emigración

ROTEIROS

ROTEIROS »
Roteiros da Cultura
Viaxes temáticas a redor do noso territorio
  • O Mapa Cultura Galego é un amplo directorio de equipamentos e infraestruturas culturais en toda Galicia, xeolocalizadas

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205

    Acción exterior do Consello da Cultura Galega

  • Convenios e colaboracións
  • Exposicións
  • Recuperación documental
  • Centros de estudos galegos
  • Congresos da AIEG