PLENO

Blanca Jiménez Alonso, Fundación Penzol

María Blanca Jiménez Alonso nace en Ribadeo (Lugo) o 21 de febreiro de 1926. Tras formarse na carreira de Maxisterio, Blanca Jiménez casa en 1948 con Fermín Penzol, establecendo a súa primeira residencia na localidade de Castropol, en Asturias.

Como consecuencia do traballo de Fermín Penzol como Rexistrador da Propiedade, o matrimonio tamén verase na obriga de trasladarse a vivir a Canarias e a Barcelona aínda que, a partir de 1973, establecen a súa residencia definitiva en Santiago de Compostela.

Blanca Jiménez comparte co seu marido a paixón pola cultura e a bibliografía galega. No ano 1963 inaugúrase en Vigo a Biblioteca Penzol, xurdida como froito da doazón que Penzol fai da súa extensa e rica colección bibliográfica e documental.

Trala morte do seu marido, Fermín Penzol, en 1981, Blanca Jiménez é nomeada Presidenta da Fundación Penzol.