BETANZOS ACOLLE A MOSTRA 'GALICIA-AMÉRICA', QUE RECOLLE CINCO SÉCULOS DE RELACIÓNS ENTRE AMBOS POBOS

Despois de Cambre, a mostra 'Galicia- América. Cinco séculos de Historia, chega ó concello de Betanzos, onde se exporá no seu edificio do Liceo a partir do xoves, 5 de decembro.

Nesa data terá lugar a inaguración oficial, que contará coa presencia do presidente do CCG, Alfonso Zulueta, e o alcalde de Betanzos, Manuel Lagares Pérez.

Composta por cen paneis e seis capítulos, esta exposición resume a relación que Galicia mantivo ó longo de cincocentos anos con América a través dunha montaxe orixinal que facilita o percorrido pola mostra, a modo de follas de libro.

As principais cidades e vilas galegas, así como outras moitas localidades americanas (Montevideo, Uruguai, A Habana, ec.) xa acolleron esta mostra, creada en 1992.