O MUSEO DO POBO GALEGO ACOLLE A HISTORIA DOS SEGADORES GALEGOS EN CASTELA ATA FINAIS DE ANO

Desde o mércores, 13 de novembro e ata finais de ano, o Museo do Pobo Galego, en San Domigos de Bonaval, Santiago, acolle "Galicia e a sega en Castela ó longo dos tempos", unha mostra organizada polo Consello da Cultura Galega e a Consellería de Cultura, a través do Museo Etnolóxico de Ribadavia.

A exposición recolle a situación e as condicións de vida nas que se atopaban os galegos que emigraban a Castela dun xeito temporal, para realizar as tarefas da sega que outros non querían facer.

Despois de estar no Museo Etnolóxico de Ribadavia e no Museo do Pobo Galego, en Santiago de Compostela, o seu próximo lugar de emprazamento será o Museo Histórico - Provincial de Lugo.