1983: Creación do Consello da Cultura Galega (8 de xullo). Primeiro presidente: Ramón Piñeiro López.

1984, 19 de xullo: Apróbase a Lei pola que se regula o funcionamento do CCG.

1985: Celébrase o Congreso Internacional de Estudios sobre Rosalía de Castro e o seu tempo, organizado polo Consello en colaboración coa USC.

1986: O Consello dótase dos primeiros funcionarios para realizar labores administrativas. Publícanse as actas do Congreso Internacional de Estudios sobre Rosalía de Castro e o seu tempo.

1987: Primeiras publicacións: O galego no ensino público non universitario, A igrexa e a lingua, Galicia sen libros: Informe sobre o libro galego 1986, así como unha homenaxe a Xosé Filgueira Valverde, a través dun número da serie As nosas voces, elaborada polo Arquivo Sonoro de Galicia.

Subir

1988: O Parlamento aproba o primeiro orzamento para o Consello: 37,5 millóns de pesetas. Ano Internacional de Ramón Otero Pedrayo, con motivo da conmemoración do centenario do seu nacemento (1888-1988). Aprobadas as comisións de Deseño Gráfico e Industrial, Arquitectura, Dereito Galego e Antropoloxía Cultural.

1989: O Consello colabora na publicación que recolle os 25 anos da revista Grial. Comeza o estudio antropolóxico Lindeiros da Galeguidade, co que se pretende establece-los límites culturais de Galicia, sen ter en conta os límites administrativos. Ramón Piñeiro é reelixido como presidente do Consello.

1990: Morre Ramón Piñeriro o 27 de agosto de 1990. O novo presidente do Consello da Cultura Galega vai ser Xosé Fernando Filgueira Valverde, nomeado o 28 de agosto.

1991: I Seminario Internacional de Planificación Lingüística. Celébrase o II Simposio de Lindeiros de Galeguidade, que analiza as pautas culturais dos límites de Galicia. Simposio Intercéltica. O CCG reclama a creación do Parque Natural dos Ancares e maniféstase a favor da creación dunha segunda canle da TVG.

Subir

1992: Comeza a exposición itinerante Galicia e América: cinco séculos de historia, mostra que será o cerne da creación do Arquivo da Emigración Galega. O Consello demanda a inmediata paralización das obras en curso que a Xunta quere facer no Camiño de Santiago.

1993: Ano dedicado a Eduardo Blanco Amor. Os orzamentos do Consello superan por vez primeira os 100 millóns de pesetas. Publicación do primeiro Informe da Comunicación en Galicia e dun informe sobre o futuro centro de Arte Contemporánea de Galicia. Conmemóranse os 70 anos da creación do Seminario de Estudos Galegos.

1994: Cambio de sede do Consello, que pasa da rúa do Vilar ó segundo andar do Pazo de Raxoi. (responsable do proxecto: Pedro de Llano, cun orzamento de preto de 122 millóns de pesetas). Inauguración o 28 de xullo de 1994. Declarado o Ano de Luís Seone, homenaxes ó escritor ó que se lle dedica o Día das Letras Galegas.

1995: Reelixido Xosé Filgueira Valverde como presidente do Consello da Cultura Galega. Celebración do 3º centenario do nacemento de Frei Martín Sarmiento, coa organización dunha exposición itinerante e dun congreso internacional. I Encontro de Arquitectos galegos e do Norte de Portugal. Simposio sobre Medicina popular e Antropoloxía da Saúde, homenaxe a Antón Fraguas.

Subir

1996: O presidente do Consello, Xosé Filgueira Valverde, morre ós 89 anos, o 13 de setembro. O 14 de outubro o plenario do Consello elixe ó escritor ourensán Carlos Casares como novo presidente. Primeiro número da revista dedicada á emigración galega Estudios Migratorios (2 de febreiro), unha ferramenta para investigadores e unha contribución ó acervo cultural galego.

1997: Simposio Internacional de Antropoloxía In Memoriam Xosé Filgueira Valverde" (xullo)

1998: O Consello promove a creación da Escola Superior de Arte Dramática de Galicia. Celébranse xornadas sobre teatro, comunicación, cultura ou fotografía.

1999: Primeira retransmisión en directo dunha conferencia, a que ofreceu Armand Mattelart, a través do sitio web do Consello. Primeira edición do Premio do Arquivo da Emigración Galega.

2000: Presentación do portal cultural www. culturagalega.org (10 de outubro). Carlos Casares é reelexido como presidente do CCG en outubro. Teñen lugar numerosas xornadas e simposios sobre antropoloxía, artes plásticas, teatro, comunicación, emigración e normalización lingüística.

2001: Presentado o novo sitio web do Consello da Cultura Galega. Congreso Internacional Galicia dende La Galice. Homenaxe a Abel Bouhier. Posta en marcha dunha mostra sobre a chegada da luz a España, A noite está varrida da terra.

2002: Morre o terceiro presidente do CCG, Carlos Casares (9 de marzo). Elexido novo presidente da institución o vicepresidente Alfonso Zulueta de Haz (17 de abril). O portal Culturagalega.org estrea novo formato (21 de xuño).

2003: O Consello da Cultura Galega celebra o XX Aniversario da súa creación.

En marzo celebrouse un seminario científico internacional sobre "Os efectos das mareas negras do Prestige", organizado pola Sección de Ciencia, Técnica e Sociedade.

2004: O 21 de xaneiro foi presentada a edición facsímile do Códice de Toledo das Cantigas de Santa María, do rei Afonso X "O Sabio".

En abril celebrouse o congreso "Galicia-Irlanda: dúas Fisterras europeas".

O 18 de xuño presentouse, a publicación "Efectos económicos, sociais e ambientais das mareas negras do "Prestige". En edición bilingüe: galego e inglés.

O 28 de xuño foi inaugurada na Universidade de Barcelona a exposición "Galicia, o sorriso de Daniel", un achegamento á realidade de Galicia. Amostra, organizada pola Sección de Cultura Galega no Exterior, integrouse no circuito das actividades do Fórum Universal das Culturas de Barcelona.

2005: En outubro celébranse os IX Encontros para a Normalización Lingüística, organizados polo Centro de Documentación Sociolingüística de Galicia, do CCG.

En novembro teñen lugar as xornadas sobre "Os incendios forestais en Galicia", organizadas pola Sección de Ciencia, Técnia e Sociedade.

O 2 de decembro, a Comisión Técnica de Xénero presentou o "Album das mulleres", espazo web integrado en culturagalega.org

2006: O 20 de abril o Pleno do CCG elixe Presidente a Ramón Villares Paz.

O 13 de xuño o Presidente, Ramón Villares, defende o carácter singular e o rango estatutario do CCG na súa comparecencia na Comisión para Reforma do Estatuto de Autonomía de Galicia.

Do 13 ao 15 de xullo celebrouse o congreso "Galicia: éxodos e retornos", organizado polo Arquivo da Emigración Galega.

O 27 de xullo presentouse LOIA, unha guía na rede ao servizo da divulgación e o coñecemento do idioma galega. En galego, castelán e inglés.

O 28 de xullo o Pleno do CCG aprobou o informe sobre o Arquivo Nacional de Galicia, da Cidade da Cultura, solicitado pola Consellería de Cultura e Deporte da Xunta de Galicia.

Subir