Funcionamento dos órganos de Goberno

A actividade do Consello da Cultura Galega realizarase mediante a actuación de dous órganos de goberno: o Pleno e a Comisión Executiva.
O Pleno é o que decide sobre as distintas liñas de actuación e sobre os proxectos de investigación que van ser levados adiante, mentres que a execución dos actos decididos é responsabilidade da Comisión Executiva, mediante ás instruccións que lle vai dar ó Secretario. A partir de aí cada un dos coordinadores ou directores das distintas Seccións e Arquivos levarán adiante os proxectos presentados seguindo os parámetros decididos pola Comisión Executiva.

Pleno
O Consello da Cultura Galega está integrado por conselleiros, que forman o seu Pleno. É membro nato o/a titular da Conselleria de Cultura

Os demais membros do Pleno sono por elección, segundo un dos seguintes procedementos: unha parte son designados por unha institución como representantes desta, e outra parte, ata dez, son elixidos polo propio Pleno do Consello en votación secreta.

• Institucións con representación no Pleno do Consello:
  
  - Academia Galega de Xurisprudencia e Lexislación
  - Fundación Barrié de la Maza
  - Fundación Penzol
  - Fundación Rosalía de Castro
  - Instituto de Estudos Xacobeos
  - Instituto da Lingua Galega
  - Instituto Padre Sarmiento de Estudos Galegos
  - Museos de Galicia
  - Real Academia Galega
  - Real Academia Galega de Belas Artes
  - Real Academia Galega de Ciencias
  - Seminario de Estudos Galegos
  - Universidade da Coruña
  - Universidade de Santiago de Compostela
  - Universidade de Vigo
  

O mandato dos conselleiros dura catro anos. Cada dous anos procédese á renovación da metade de cada un dos dous grupos de conselleiros, representativos e electivos, que poden ser reelixidos. Está previsto que o número de entidades representadas no Pleno do Consello se poida incrementar, mediante acordo adoptado pola maioría absoluta dos seus membros daquel Pleno.

Presidente de Honra.

Ten esta consideración o Presidente da Xunta de Galicia


Comisión Executiva
A Comisión Executiva está composta por un presidente, un ou varios vicepresidentes, e un secretario, elixidos polo Pleno entre os seus membros.

Este órgano orienta a actividade do Consello, coordina o traballo das súas seccións e arquivos, e encárgase de prepara-los asuntos que debe trata-lo Pleno, dando a súa conformidade ou informe sobre os que este fose adoptar acordos, e velando polo cumprimento dos seus acordos. Ademais aproba a realización de seminarios, congresos, simposios e outras actividades que conveñan para o mellor cumprimento dos fins do Consello.