Tal e como apuntan as autoras do proxecto, Mª Carmen Teijido López, Mª Luz Pérez Vázquez e Isabel Fraga Carou, trátase dunha base de datos onde se recolle a frecuencia de aparición das palabras nos textos galegos dirixidos a nenos de entre 0 e 12 anos que se publicaron entre 1985 e 1999. O baleirado fíxose na súa maior parte entre os fondos da Biblioteca Nova 33 de Santiago de Compostela, que dispón de practicamente a totalidade dos libros infantís publicados en lingua galega, aínda que tamén se incluíron na selección textos escolares das materias de Lingua Galega e Coñecemento do Medio.

O dicionario está editado polo Servizo de Publicacións e Intercambio Científico da Universidade de Santiago coa colaboración do Consello da Cultura Galega.

A seguir ofrecémoslle, en formato PDF, máis información sobre a súa composición e funcionamento.