M Ú S I C A   E   C A N T I G A S

Galicia, como país de raíces célticas e atlánticas, ten como instrumento nacional a gaita galega. Os grupos de gaiteiros tradicionais teñen poucos compoñentes, como correspondía a un sistema de lecer baseado en moitas festas pequenas e de curto percorrido. Con todo, na actualidade tamén existen grandes bandas de gaiteiros pola comunicación e influencias que sobre o folclore galego exercen as formas de organización doutros países atlánticos.

O pandeiro é o segundo instrumento en importancia dentro da nosa tradición, con el acompañábanse as cantigas tradicionais. Sen embargo a música culta en galego tamén ten raíces antiquísimas. As Cantigas de Santa María, compostas polo Rei Afonso X o Sabio, están entre as máis elaboradas composicións das cortes europeas do século XIII. Actualmente conviven entre nós, xunto coa música de tradición popular, grupos de música culta ­a Real Filharmonía de Galicia ou a Real Orquestra de Galicia­, celta ­Carlos Núñez ou Milladoiro­, pop­rock ­Los Suaves ou Os Heredeiros da Crus­ ou lixeira como Ana Kiro, Sabela ou Pili Pampín.

Se vostede ten algúns materiais que puidesen ser do noso interese e quere colaborar connosco, ou ten algunha suxestión que facernos, por favor diríxase ó:

Arquivo Sonoro de Galicia Consello da Cultura Galega Pazo de Raxoi 2º andar Praza do Obradoiro 15750 Santiago de Compostela asonoeo@consellodacultura.org

© Consello da Cultura Galega, 1999.