Consultas en liña
Solicite información e documentación sobre a emigración ao AEG

Tres historias da emigración galega
Presentamos tres obras, doadas polo libreiro e editor na diáspora, Manuel Losa Rocha, para a súa custodia e difusión a través do Arquivo da Emigración Galega. Tres historias, dúas delas autobiográficas, que mostran unha visión próxima e persoal do que foi a emigración galega durante o século XX a través dos ollos de dous homes unidos pola experiencia nas Américas.

Relato dun emigrante... de Santiago de Compostela a Montevideo

Neste libro o autor fala da súa infancia galega, coas súas carencias e a súa emotividade, e da partida en barco ata o porto de Montevideo, lugar onde tivo que adaptarse e atopar emprego para poder saír adiante. En Urugai atoparíase cun estilo de vida diferente á que se levaba no seu Santiago natal. Pero tamén coñecería a outros emigrantes, que fundaron os denominados "centros galegos" ou incluso destacaron e tiveron influencia na formación de Urugai e da súa sociedade. Descargue o libro en PDF

O vendedor de libros

Manuel Losa fala das vivencias da súa vida laboral, as súas diversas actividades e as dificultades que houbo de sortear ata atopar a profesión que o conformou, a de libreiro; das satisfaccións e os desgustos derivados desta; da súa vida familiar e social. É a segunda parte da súa autobiografía Relato dun emigrante. Descargue o libro en PDF

Don Xesús Canabal Fuentes. "Fillo Predilecto de O Pino"

Manuel Losa escribe esta biografía do industrial papeleiro Xesús Canabal, activo membro, directivo e promotor das sociedades galegas en Uruguai. Descargue o libro en PDF