| |
A obra
dos principais arquitectos galegos do último século
artella a paisaxe da mellor arquitectura contemporánea que
nos rodea. Co obxectivo de dar a coñecer e pór en
valor este rico patrimonio, a Sección de Arquitectura do
CCG editou unha colección de carteis sobre alguns dos seus
creadores máis destacados. Trátase de once posters
que ofrecen ao espectador un paseo polas obras máis salientables
de cada arquitecto, pola súa traxectoria profesional e polos
seus postulados teóricos.
Os
carteis recollen a obra de dúas figuras históricas
da arquitectura galega: Alejandro de la Sota e Xosé Bar Bóo.
Andrés Fernández-Albalat e o equipo de Baltar, Bartolomé
e Almuíña serven de ponte coas seguintes xeracións,
definidas por creadores como César Portela e Manuel Gallego,
ademais de Iago Seara, Alfonso Penela e Alberto Noguerol + Pilar
Díez. Por último, as novas xeracións están
presentes de man dos equipos Quintáns, Raya e Crespo e Jesús
Irisarri + Guadalupe Piñera. En conxunto, once carteis que
ofrecen unha ampla panorámica polo mellor da arquitectura
feita polos autores galegos.
|
|
|
